Tuesday, December 29, 2009

ليلى يلّي منعرفها ماشي حالا بالمبدأ، يس في كتير لأ

This post is part of kolenalaila.com.

"We Are All Laila" aims at highlighting women's problems and prompting them to draw real images of their own experiences in order to open a dialogue that can lead to changing the ideas of a whole society.

بدي اكتب بالعربي اللبناني ولو راح تاخد معي الخبرية تلات ساعات.

 ليلى يلّي منعرفها ماشي حالا بالمبدأ، يس في كتير لأ.

في ليلى بعرفها اغتصبها ابن زوج امها، واغتصب امها كمان، البنت كان عمرعها 12 او 13، الام أكيد كانت عارفي بس ساكتة لأنو زوجها كان متوفّي وهي ما معها لا شهادة ولا اموال  تخليا تفلّ وتستقرّ لاحالها.في كتير متلها ومتايل.

ليلى تانية بعرفها راحت خطيفة، وقفت مدرسة وشغل، اجاها ولاد عل سريع، وصارت حياتها كلّها لولادها وكل ثانية بتمرؤ وهي ندمانة ومش مبسوطة.

ليلى القرن الواحد وعشرين، صار مطلوب منّها اكتر بكتير، كان كل شيء لازم تعملو من قبل هوي تطبخ، تهتمّ بالبيت، وتربّي هل الاولاد، هلئ صار عندا "كرّير"، يلي هو شي ضروري لتنمية المرأة من الناحية الفكرية والشخصية. وبعد في رجال بتفكرّ انو المرا لازم تكون محضرتلو العشا وقت يرجع من شغلو، حتى لو هي كمان كانت بالشغل، وبدا تنضف وتحمم الاولاد، وتكويلو القميص، وبدا تكون حلوي كمان، لأنّو الحقّ عليا بالأخير اذا زوجها اتطلّع على واحدة ثانية.

ليلى، في كتير ما بيعرفو قيمتك، وما بيعرفو انت يشو عم تمرئي، ويا حزينة هيدا هوي قدرك.


2 comments: