Monday, August 17, 2009

3ashra

3ashr sneen. Bta3rifeh shou sar bi hal 3ashr sneen. Sar ktir, aw2et b2oul ya raytik ba3dik mawjdoudeh, la t3isheh w tshoufeh shou 3am min shouf w n3ish, w aw2et b2oul mni7 yalli fallayteh w khloste min hal 7ayet wil 2araf yalli bit khallikeh t7issih bi wa2et mnil aw2et.

Ma ba3rif iza ba3dik mawjoudeh shi ma7al, bi hal dineh, bi hal 3alam, bil hal kon. Ana ma b2emin inno fi ghaymeh el kil bi 3isho fiya, 3laya bil a7ra. Gharib inno ba3dneh bitzakkar sawtik. W tari2et 7akyik. W nazertik.

Bis2al 7aleh la 7adit lyom, lei 7abbaytineh, w lei 7abbaytik. Sara7a, ana w bi iyem zighareh, ma kenet fattish 3ala fata el a7lem, kenet fattish 3an sadi2a! btitzakkareh Gibran shou al? w 7solet 3ala sadi2te, yalli la ekhir 7ayeteh ma ra7 ensiya.

Bi oulo el 3atra 3alli ra7. Mazbout. Ana bkhaf rou7. Bass inte ya inseneh, ya niswen (mitel ma kente t2ouleh), ma khefte trou7e. 7adan bi 3omr el sitta3sh, bya3rif inno ma3o saratan, w bi dal yebtessim?

Sinten min ba3da, ana kenet bi balad teneh, w bi layle ma fiya daw amar, seret ibke mitel el hable, kenet 3am fakkir fike, 7asset fike. w min ba3ed ma rje3et 3refet inno nshallayte w dtarrayte titirke el madrasseh. tballsheh bi awal khoutwe la tark el 7ayet.

Bfakkir ktir law ba3dik ma3na 3al hal ared, ana b2oul kente bit kouneh architect, w 7emle mastra w 3am bit 3ayte 3al mwazafin, la2anno ghalbato, bass hineh ma ra7 yiz3alo minnik, inte ma byinza3al minnik.

Inte ya inseneh, labbasoukeh fostan azra2 nhar yalli kente 3am bit filleh fi... bitzakkar el fostan, mitel taba3 snow-white.... w ya 7elwe, keno ra7o sha3ratik, w keno 7attinlik sha3er istina3e, bouclé, roux, w ana abla kenet eylitlik inno ktir ken lebi2lik. Alileh inte yalli kente el marida, w jiteh tallayte 3laye la2anno kenet 3am bedrous, w kheyfe es2out.

talfanet 3ayyadtik bi wa7ad Ab, mitel el majdoubeh, eltellik 3a2bel el miye. bass ma... tisata3sh ken el ra2em la ilik.

gharib nhar el dafen, gharib, deyman gharib, houwe bi koun absha3 nhar, w a7la nhar. absha3 la 2anno taraktina, w a7la la2anno kenit a2rab marra lal 7ayet min shoufik fiya.

w halla2 inte wein, w ni7na wein. el 7ayet sakhife. sakhife ktir. w 3alam mitlik hineh yalli bya3touwa imeh. alla yer7amik ya benet. akh... ila al lika2

7 comments:

  1. Joseph Ghassan8/17/2009 8:10 PM

    This is the most emotional post I have ever read.

    I tried to translate it to English using Google translator, but I didn't find the "Lebanese way" language available.

    ReplyDelete
  2. talama ba3dik 3am t2oulila ila al lika2.. mi3neta eno you do believe 2ina mawjoudeh.. b shakl mnl ashkel.. mawjoude : )

    ReplyDelete
  3. Lilo,

    I was just talking to my brother and telling him how much I miss my bestfriend back in Lebanon. I told him how she is '7anouneh ma3eh'... I love her so much more than anyone could imagine. She owns part of my heart and as I was reading this, I kept thinking of how I would be totally devastated were anything to happen to my bestfriend.

    This was very beautiful. I know something has touched me when I feel that lump grow in my throat.

    She is still around in the thoughts of people like you who loved her...

    ReplyDelete
  4. lilo, akh chou bade elik... bakaytineh.
    kel chi 2elti... ana bhesso w bfaker fi kamen!
    hal achkhas deyman 3aychin fina.
    yaret fina na3ref bas henne wein. w nehna wein rah nsir!

    ReplyDelete
  5. a lot of sadness and dark ideas, still pictures,last goodbye images, i tried to hide for many years, away from my mind , cz they used to provoke my tears each and every time ... and in a few lines u woke them all up ...
    Although most of the pictures are of laughter, smiles, celebrations, tender moments and friendship in its purest form ... maybe cz they are that beautiful , they hurt that much...

    P.s :i still have a picture of the sweetest "3abouta" that i keep, and that reminds me about what matters each time i feel shallow, like she did in person b4

    ReplyDelete